அமெரிக்காவில் தயாரிப்பு என விளம்பரம்: ட்ரம்ப் மொபைல் T1 ஸ்மார்ட்போனால் அதிருப்தியில் வாடிக்கையாளர்கள்!
அமெரிக்க ஜனாதிபதி டொனால்ட் ட்ரம்பின் மகன்மார் அறிமுகப்படுத்திய Trump Mobile T1 ஸ்மார்ட்போன், ஆரம்பத்தில் “அமெரிக்காவில் தயாரிக்கப்படும்” என விளம்பரப்படுத்தப்பட்டது.
எனினும், 2025 ஆகஸ்டில் வெளியாகும் என அறிவிக்கப்பட்டிருந்த இந்த தொலைபேசியின் வெளியீடு பலமுறை ஒத்திவைக்கப்பட்டது.
பின்னர் நிறுவனத்தின் இணையதளத்தில் ‘Made in the USA’ என்ற வாசகமும் நீக்கப்பட்டு, அமெரிக்க மதிப்புகளை அடிப்படையாகக் கொண்ட வடிவமைப்பு என மாற்றப்பட்டது.
அத்துடன், முன்பதிவுக்காக செலுத்திய 100 டொலர் தொகை , தொலைபேசி வழங்கப்படும் என்பதற்கான உத்தரவாதம் அல்ல என நிறுவனத்தின் விதிமுறைகளும் மாற்றப்பட்டன.
இந்த நிலையில், தொலைபேசியின் தயாரிப்பு, வடிவமைப்பு மற்றும் வெளியீட்டு காலக்கெடு தொடர்பில் தொடர்ந்து மாற்றங்கள் ஏற்பட்டமை குறித்து வாடிக்கையாளர்கள் மத்தியில் அதிருப்தி ஏற்பட்டுள்ளதாக சர்வதேச ஊடகம் ஒன்று தெரிவிக்கிறது.
