விஸ்கான்சினில் மிகப்பெரிய இயற்கை எரிவாயு கசிவு
அமெரிக்காவின் விஸ்கான்சின் மாநிலத்தில் அமைந்துள்ள சாட்சன் (Saxon) பகுதியில் இயற்கை எரிவாயுக் குழாயில் ஏற்பட்ட கசிவு காரணமாக அப்பகுதியில் பெரும் பரபரப்பும் பாதுகாப்புக் கட்டுப்பாடுகளும் விதிக்கப்பட்டுள்ளன.
நிறுத்தப்பட்டிருந்த டிரக் ஒன்று எதிர்பாராதவிதமாக உருண்டு சென்று, இயற்கை எரிவாயுக் குழாயின் மீது மோதியதால் இந்த கசிவு ஏற்பட்டது.
வெடிப்பு அபாயத்தைத் தவிர்க்க முன்னெச்சரிக்கை நடவடிக்கையாக, அருகிலுள்ள குடியிருப்புகளில் இருந்த மக்கள் உடனடியாகப் பாதுகாப்பான இடங்களுக்கு வெளியேற்றப்பட்டனர்.
பெரும் விபத்து ஏதும் ஏற்படாமல் தடுக்க அப்பகுதியில் மின்சார விநியோகம் தற்காலிகமாக நிறுத்தப்பட்டது. மேலும், பாதுகாப்பு காரணங்களுக்காக அப்பகுதியில் விமானங்கள் பறக்கவும் தற்காலிகத் தடை விதிக்கப்பட்டது.
அதிகாரிகளும் அவசரக்கால மீட்புக் குழுவினரும் சம்பவ இடத்திற்கு விரைந்து நிலைமையைச் சீரமைக்கும் பணியில் ஈடுபட்டுள்ளனர்.
