ஒன்ராறியோ மாகாணத்தின் முதல்வர் "Lake Ontario. Now and Always" என்ற வாசகம் அடங்கிய பலகையை ஹாமில்டன் பகுதியில் நிறுவியுள்ளார்.
அமெரிக்காவுடன் நிலவி வரும் வர்த்தக மற்றும் பெயரிடும் மோதலுக்கு பதிலடியாக, ஒன்ராறியோ மாகாணத்தின் முதல்வர் டக் ஃபோர்ட் (Doug Ford), "Lake Ontario. Now and Always" (ஒன்ராறியோ ஏரி. இப்போதும் எப்போதும்) என்ற வாசகம் அடங்கிய பெரிய பலகையை ஹாமில்டன் பகுதியில் உள்ள கடற்கரையில் நிறுவியுள்ளார்.
அமெரிக்க ஜனாதிபதி டொனால்ட் டிரம்ப், ஒன்ராறியோ ஏரியின் பெயரை ஒருதலைபட்சமாக "Lake America" (அமெரிக்கா ஏரி) என்று மாற்றுவதற்கான நிர்வாக உத்தரவில் கையெழுத்திட்டுள்ளார். மேலும் இது தொடர்பான கிண்டலான ஏஐ (AI) காணொளிகளையும் அவர் வெளியிட்டிருந்தார்.
இரு நாடுகளுக்கும் இடையே வர்த்தகப் பேச்சுவார்த்தைகள் தோல்வியடைந்ததைத் தொடர்ந்து, கனடாவின் 20 பில்லியன் டாலர் மதிப்புள்ள பொருட்களுக்கு அமெரிக்கா 50% வரி விதித்தது. இதற்குப் பதிலடியாகக் கனடாவும் அமெரிக்கப் பொருட்கள் மீது அடுத்த மாதம் முதல் சமமான வரியை (dollar-for-dollar counter-tariffs) விதிக்கவுள்ளது.
டிரம்ப் தனது உத்தரவின் மூலம் உள்நாட்டு அமைப்புகளை மட்டுமே பெயரை மாற்ற உத்தரவிட முடியும் என்றும், பல நூற்றாண்டுகளாக பழங்குடி மக்களின் பெயரைக் கொண்டுள்ள இந்த ஏரியின் பெயர் எப்போதும் ஒன்ராறியோவாகவே தொடரும் என்றும் கனேடிய தலைவர்கள் திட்டவட்டமாகத் தெரிவித்துள்ளனர்.
