ஈரான் உடனான போர் குறித்து ட்ரம்ப் விடுத்த அறிவிப்பு
ஈரான் உடனான போர் முடிவுக்கு வந்து அவர்கள் சரணடைந்தால், உலக சந்தையில் மசகு எண்ணெய் விலை அதளபாதாளத்திற்கு சரியும் என்று அமெரிக்க ஜனாதிபதி டொனால்ட் ட்ரம்ப் தெரிவித்தார்.
மத்திய கிழக்கு நாடுகளில் நிலவி வரும் போர் சூழல் காரணமாக உலக அளவில் மசகு எண்ணெய் விநியோகத்தில் தடை ஏற்பட்டு, அதன் விலையில் தொடர் ஏற்றத்தாழ்வுகள் காணப்பட்டு வருவதை அவர் சுட்டிக்காட்டியுள்ளார்.
ஜோ பைடனின் நிர்வாக காலத்தை விட எனது நிர்வாகத்தின் கீழ் எல்லா பொருட்களின் விலைகளும் குறைந்து வருகிறது. எரிபொருள் செலவுகள் குறைந்துள்ளன. நமது நாட்டின் வரலாற்றில் முன்னெப்போதும் இல்லாத அளவுக்கு வறுமை குறைவாக உள்ளது.
நாட்டின் வரலாற்றிலேயே மிகச் சிறந்த வேலைவாய்ப்பு புள்ளிவிவரங்கள் இப்போதுதான் வெளியாகியுள்ளன. முன்னெப்போதும் இல்லாத அளவுக்கு இன்று அதிகமான மக்கள் வேலை செய்கிறார்கள். நம்மிடம் மிகச் சிறந்த நிர்வாகம் உள்ளது என்றும் கூறியுள்ளார்.
ஈரான் மோதல் மற்றும் உலகின் மிக முக்கியமான எண்ணெய் வழித்தடமான 'ஹோர்முஸ் நீரிணை' (Strait of Hormuz) பகுதியில் நிலவும் பதற்றங்களால் மசகு எண்ணெய் விலை செயற்கையாக உயர்ந்திருந்தது.
போர் முற்றிலுமாக முடிவுக்கு வந்து நிலைமை சீரடைந்தால், இந்த நிலை முற்றிலும் நீங்கிவிடும் என்று சந்தை நிபுணர்களும் கருதுகின்றனர்.
