கனடா லொட்டரியில் ரூ.217 கோடி வென்ற பஞ்சாபி இளைஞர்
கனடா லொட்டரியில் பஞ்சாபி இளைஞர் ரூ.217 கோடி வென்றுள்ளார்.
கனடாவில் வசிக்கும் பஞ்சாபி இளைஞர் அம்ரித்பால் சிங், வாழ்க்கையை மாற்றியமைக்கும் அளவுக்கு பெரிய லொட்டரி பரிசை வென்றுள்ளார்.
அவர் Lotto 6/49 Gold Ball டிராவில் 3.2 மில்லியன் கனேடிய டொலர் (இந்திய மதிப்பில் சுமார் ரூ.216-217 கோடி) பரிசை பெற்றுள்ளார்.
அம்ரித்பால், செப்டம்பர் 19, 2026 அன்று சர்ரே நகரில் டிக்கெட் வாங்கியிருந்தார். முதலில் அவர் டிக்கெட்டை சரிபார்த்தபோது, வெறும் 32,000 கனேடிய டொலர் தான் கிடைத்ததாக நினைத்தார். ஆனால், பலமுறை மொபைல் ஆப்பில் ஸ்கேன் செய்தபின், அவர் உண்மையில் 3.2 மில்லியன் கனேடிய டொலர் ஜாக்பாட் வென்றிருப்பதை உணர்ந்தார்.
“இந்த வெற்றி என் வாழ்க்கையை முழுமையாக மாற்றும். என் பெற்றோரும் சகோதரிக்கும் நிதி உதவி செய்வதே என் முதல் முன்னுரிமை” என்று அம்ரித்பால் தெரிவித்துள்ளார்.
அவர் தனது குடும்பத்திற்காக வீடு வாங்கவும், பல வாகனங்களை வாங்கவும் திட்டமிட்டுள்ளார். குறிப்பாக, தனது கனவு கார் Dodge Challenger-ஐ வாங்க விரும்புகிறார்.
செப்டம்பர் 23 அன்று, அவர் வெற்றியை உறுதிப்படுத்துவதற்காக British Columbia Lottery Corporation (BCLC) அலுவலகத்திற்குச் சென்றார். பின்னர், செப்டம்பர் 29 அன்று அதிகாரப்பூர்வமாக அவரது வெற்றி அறிவிக்கப்பட்டது.
இந்த வெற்றி, கனடாவில் உள்ள பஞ்சாபி சமூகத்தில் பெரும் கொண்டாட்டத்தை ஏற்படுத்தியுள்ளது.
