ஹமாஸ் தாக்குதலில் உயிரிழந்தவர்களுக்கு இஸ்ரேலில் நினைவேந்தல்!
2023 ஒக்டோபர் 7 அன்று ஹமாஸ் தலைமையிலான ஆயுதக்குழுக்கள் தெற்கு இஸ்ரேல் பகுதிகளில் நடத்திய தாக்குதலில் சுமார் 1,200 பேர் கொல்லப்பட்டனர். 251 பேர் காசாவுக்கு பணயக்கைதிகளாக அழைத்துச் செல்லப்பட்டனர்.
இந்தத் தாக்குதலுக்குப் பதிலாக இஸ்ரேல் காசா மீது நீண்டகால இராணுவ நடவடிக்கையைத் தொடங்கியது.
இன்று(07), அந்தத் தாக்குதலின் மூன்றாம் ஆண்டு நினைவு நாளாக இஸ்ரேல் முழுவதும் நினைவேந்தல் நிகழ்ச்சிகள் நடைபெறுகின்றன.
குறிப்பாக, தாக்குதல் நடந்த Nova இசை விழா நடைபெற்ற இடம் உள்ளிட்ட பகுதிகளில் உயிரிழந்தவர்களின் குடும்பத்தினரும் உயிர் தப்பியவர்களும் அஞ்சலி செலுத்தினர்.
காசாவில் இஸ்ரேலிய பணயக்கைதிகள் எவரும் தற்போது இல்லை என்று ராய்ட்டர்ஸ் தெரிவிக்கிறது. உயிருடன் இருந்தவர்களும் உயிரிழந்தவர்களின் உடல்களும் பரிமாற்றங்கள் மூலம் மீட்கப்பட்டுள்ளன.
அதேவேளை, காசாவில் போர் ஏற்படுத்திய பேரழிவு மற்றும் உயிரிழப்புகள் குறித்த விவாதம் தொடர்ந்து வருகிறது. காசா சுகாதார அதிகாரிகளின் கணக்குப்படி 74,000-க்கும் மேற்பட்ட பாலஸ்தீனர்கள் உயிரிழந்துள்ளனர்.
