ஜெலென்ஸ்கி ரஷ்ய எண்ணெய் மையத்தைத் தாக்கினார்.
விளாடிமிர் புடினுடன் ஒரு முக்கிய டீசல் ஒப்பந்தத்தை மேற்கொண்டு டொனால்ட் ட்ரம்ப் தன்னை எதிர்பாராத அதிர்ச்சிக்குள்ளாக்கிய சில மணிநேரங்களிலேயே, கடும் கோபமடைந்த வோலோடிமிர் ஜெலென்ஸ்கி ரஷ்யாவின் முக்கிய எண்ணெய் மையத்தைத் தாக்கியுள்ளார்.
ட்ரம்ப்-புடின் இடையிலான தொலைபேசி உரையாடலைத் தொடர்ந்து ஏற்பட்ட உடனடிச் சூழலில், ரஷ்ய ஜனாதிபதி ஜபோரிஷியாவில் உறங்கிக்கொண்டிருந்த உக்ரேனிய பொதுமக்கள் மீது புதிய தாக்குதலை நடத்தினார்;
இதில் குறைந்தது மூன்று சிறுமிகள் உட்பட ஏழு பேர் கொல்லப்பட்டுள்ளனர், மேலும் பத்து பேர் காயங்கலுடன் தப்பியுள்ளனர் மற்றும் 16 பேரைக் காணவில்லை.இதன் மூலம், கடந்த மூன்று நாட்களில் ரஷ்யாவால் கொல்லப்பட்ட பொதுமக்களின் மொத்த எண்ணிக்கை ஏறக்குறைய 90-ஐ எட்டியுள்ளது.
ட்ரம்ப் மற்றும் புடின் இடையிலான டீசல் ஒப்பந்தம் உக்ரைனை அதிர்ச்சியில் ஆழ்த்தியது; புடினுக்குப் பணிந்துபோனதன் மூலம் அமெரிக்க ஜனாதிபதி தனது பலவீனத்தை வெளிப்படுத்தியதாக உக்ரைனிய ஜனாதிபதி குற்றம் சாட்டியுள்ளார்.
ஆனால், இடைக்காலத் தேர்தல்களுக்கு முன்னதாக, அமெரிக்காவில் குறிப்பாக டீசல் விலையை உயர்த்திய ரஷ்ய எண்ணெய் சுத்திகரிப்பு நிலையங்கள் மீதான தாக்குதல்களை நிறுத்துமாறு விடுக்கப்பட்ட ஆறு கோரிக்கைகளை ஜெலென்ஸ்கி புறக்கணித்துவிட்டதாக ட்ரம்ப் குற்றம் சாட்டியதாக ஆக்சியோஸ் செய்தி ஒன்று தெரிவிக்கிறது.
இதனிடையே, ட்ரம்ப்புடனான ஒன்றரை மணி நேரத் தொலைபேசி உரையாடல் மிகவும் சுமூகமாக இருந்ததால், இரு தரப்பினருமே முதலில் இணைப்பைத் துண்டிக்க விரும்பவில்லை என்று புடினின் வெளிவிவகார ஆலோசகர் யூரி உஷாகோவ் தெரிவித்தார்.
மேலும், இன்று மாலை, இரவு முழுவதும் மற்றும் அடுத்த நாள் வரையிலும் விளாடிமிர் புடினுடன் தொடர்ந்து உரையாடத் தயாராக இருப்பதாக ட்ரம்ப் கூறியுள்ளார்.
ரஷ்ய டீசலை வாங்குவதற்காக அமெரிக்கா தடைகளைத் தளர்த்தியது தமக்கு எதிர்பாராத அதிர்ச்சியாக அமைந்ததை ஒப்புக்கொண்ட அதேவேளையில், ஜெலென்ஸ்கி அதற்குப் பதிலடி கொடுத்துள்ளார்.
இரவு நேரங்களில் நடத்திய பேரழிவுகரமான தாக்குதல்களில், நோவோஷக்தின்ஸ்க் சுத்திகரிப்பு ஆலையிலிருந்து வரும் பெட்ரோலியப் பொருட்களைக் கையாளும், ரோஸ்டோவ்-ஆன்-டானில் உள்ள முக்கிய யுக் ரூசி எண்ணெய் ஏற்றும் முனையத்தை உக்ரைன் கடுமையாகத் தாக்கியுள்ளது.
ஆண்டுக்கு 3.5 மில்லியன் டன் கையாளும் திறன் கொண்ட முக்கிய ஏற்றுமதி மையத்தில், 50 ட்ரோன்கள் கொண்ட கூட்டத்தின் தாக்குதலுக்குப் பிறகு தீ விபத்துகள் ஏற்பட்டன.
ரோஸ்டோவ்-ஆன்-டான் (Rostov-on-Don) பகுதியில் உள்ள ரயில் பாலம் ஒன்றும் சேதமடைந்ததால் இரு திசைகளிலும் போக்குவரத்து நிறுத்தப்பட்டது; மேலும், அசோவ் கடலில் (Sea of Azov) இருந்த இரண்டு கப்பல்கள் தாக்கப்பட்டதாகவும் தகவல்கள் தெரிவிக்கின்றன.
ரஷ்யாவின் எண்ணெய் நிலையங்கள் மீதான தாக்குதல்களைத் தொடர்ந்து மேற்கொள்வோம் என்று உக்ரேனிய அதிகாரிகள் உறுதியான தொனியில் எச்சரித்தனர்.
