ரஷ்யா - யுக்ரைன் இடையே உடனடி 'மின்சக்தி போர்நிறுத்தம்': டொனால்ட் ட்ரம்ப் அறிவிப்பு!
ரஷ்யா மற்றும் யுக்ரைன் ஆகிய நாடுகளுக்கு இடையேயான போரில், இரு நாடுகளின் மின்சாரம் உள்ளிட்ட சக்திசார் உட்கட்டமைப்புகள் (Energy Infrastructure) மீது தாக்குதல் நடத்துவதை உடனடியாக நிறுத்துவதற்கான 'மின்சக்தி போர்நிறுத்தத்திற்கு' (Energy Ceasefire) இரு தரப்பும் சம்மதம் தெரிவித்துள்ளதாக அமெரிக்க ஜனாதிபதி டொனால்ட் ட்ரம்ப் அறிவித்துள்ளார்.
தனது 'ட்ரூத் சோஷியல்' (Truth Social) சமூக வலைதளப் பதிவின் மூலம் இந்தத் தகவலைப் பகிர்ந்துள்ள ஜனாதிபதி ட்ரம்ப், இந்தத் தீர்மானம் உடனடியாகச் அமுலுக்கு வருவதாகவும், இரு நாடுகளும் இதற்குக் முழுச் சம்மதம் தெரிவித்துள்ளதாகவும் குறிப்பிட்டுள்ளார்.
கடந்த சில மாதங்களாக யுக்ரைனின் மின் நிலையங்கள் மற்றும் மின் விநியோகக் கட்டமைப்புகள் மீது ரஷ்யா தொடர் ஏவுகணை மற்றும் ஆளில்லா வானூர்தி தாக்குதல்களை நடத்தி வந்தது.
இதனால் அங்கு தீவிர மின்சார தட்டுப்பாடு ஏற்பட்டிருந்த நிலையில், ஜனாதிபதி ட்ரம்பின் இந்த மத்தியஸ்த முயற்சி போர்ச் சூழலில் ஒரு முக்கிய திருப்பமாகக் கருதப்படுகிறது.
