'பேச்சுவார்த்தை இராணுவ நடவடிக்கைகளை கட்டுப்படுத்தாது' - ரஷ்யா தெரிவிப்பு
உக்ரைன் குறித்த வரவிருக்கும் பேச்சுவார்த்தைகள் இரு தரப்பினரின் இராணுவ நடவடிக்கைகளையும் கட்டுப்படுத்தாது என ரஷ்யா தெரிவித்துள்ளது.
ரஷ்யாவின் வோரோனேஷ் பிராந்தியத்தின் மீதான உக்ரைனின் தாக்குதல் குறித்து கிரெம்ளின் செய்தித் தொடர்பாளர் டிமிட்ரி பெஸ்கோவ் தெரிவிக்கையில்,
"அடுத்த மாதம் ரஷ்யா, உக்ரைன் மற்றும் அமெரிக்கா இடையே திட்டமிடப்பட்டுள்ள முத்தரப்பு அமைதிப் பேச்சுவார்த்தைகள், இராணுவ நடவடிக்கைகளைத் தொடர்வது தொடர்பாக எந்தத் தரப்பிற்கும் எந்தக் கட்டுப்பாடுகளையும் விதிக்கவில்லை" என்று கூறினார்.
ஓரிரு வாரங்களில் அபுதாபி அல்லது சுவிட்சர்லாந்தில் நடைபெறவுள்ள முத்தரப்புப் பேச்சுவார்த்தைகளை மீண்டும் தொடங்குவதற்கான ஒப்பந்தம் எட்டப்பட்ட போதிலும், ரஷ்யாவும் உக்ரைனும் ஒன்றையொன்று தாக்கி வருவதைத் தொடர்வதாக பெஸ்கோவ் மேலும் தெரிவித்துள்ளார்.
