அமெரிக்க லெப்டினன்ட் ஜெனரல் பிரெட் சில்வியா பணிநீக்கம்!
அமெரிக்க பாதுகாப்புச் செயலாளர் பீட் ஹெக்ஸெத், லெப்டினன்ட் ஜெனரல் பிரெட் சில்வியாவைப் பணிநீக்கம் செய்துள்ளார் என்பதை நாங்கள் இப்போது உறுதிப்படுத்துகிறோம் என்று கூட்டுப் படை செய்தித் தொடர்பாளர் தெரிவித்துள்ளார்.
இது குறித்து அவர் கூறுகையில், பதவியிலிருந்து நீக்கப்படுவதற்கு முன்பு, சில்வியா கூட்டுப் படையில் (Joint Staff) வியூகம், திட்டங்கள் மற்றும் கொள்கைக்கான இயக்குநராக ஒரு முக்கிய இராணுவத் திட்டமிடல் பதவியை வகித்தார். அவருக்கு முன்னிருந்த லெப்டினன்ட் ஜெனரல் ஜோசப் மெக்கீயும் ஹெக்ஸெத்தால் கட்டாய ஓய்வு பெற வைக்கப்பட்டார்.
தலைவர், கூட்டுப் படை மற்றும் கூட்டுப் படை சார்பாக, லெப்டினன்ட் ஜெனரல் பிரெட் சில்வியா மற்றும் அவரது குடும்பத்தினர் நமது தேசத்திற்கு ஆற்றிய 32 ஆண்டுகால சிறப்பான சேவைக்கு எங்களது ஆழ்ந்த நன்றியைத் தெரிவித்துக் கொள்கிறோம் என்று கூறினார்.
அவர்கள் புதிய வாய்ப்புகளுக்கும், தங்கள் வாழ்வின் அடுத்த அத்தியாயங்களுக்கும் முன்னேறும்போது, அவருக்கும் அவரது குடும்பத்தினருக்கும் நாங்கள் நல்வாழ்த்துக்களைத் தெரிவித்துக்கொள்கிறோம் என்றார்.
ஈரானுக்கு எதிராக மீண்டும் இராணுவ நடவடிக்கை எடுப்பது குறித்து ஜனாதிபதி ட்ரம்ப் பரிசீலித்து வரும் வேளையில், சில்வியாவின் பதவி விலகலுக்கு அதிகாரப்பூர்வ காரணம் எதுவும் தெரிவிக்கப்படவில்லை.
