‘கிங்’ படத்தில் இருந்து விலகிய அனிருத் !
ஷாருக்கான் நடித்துள்ள திரைப்படம் ‘கிங்’, இந்த திரைப்படத்தை சித்தார்த் ஆனந்த் இயக்கியுள்ளார். ‘பதான்’ படத்தின் வெற்றியைத் தொடர்ந்து இருவரும் மீண்டும் இணைந்துள்ளனர்.
இந்த திரைப்படத்தில் அனில் கபூர், ராணி முகர்ஜி, தீபிகா படுகோனே, சுஹானா கான், அபிஷேக் பச்சன் உள்பட பலர் நடித்துள்ளனர். கரீனா கபூர் சிறப்புத் தோற்றத்தில் நடித்துள்ளார்.
டிசம்பர் 24ஆம் திகதி வெளியாக இருக்கும் இந்த திரைப்படத்துக்கு அனிருத் மற்றும் சச்சின் - ஜிகர் இணைந்து இசையமைப்பதாக அறிவிக்கப்பட்டிருந்த நிலையில், திருமணம் காரணமாக இந்த திரைப்படத்திலிருந்து அனிருத் விலகியுள்ளார்.
படக்குழுவுடன் பேசி, சுமுகமாகப் பிரிந்து கொள்ள முடிவெடுத்ததாகக் கூறப்படுகிறது.
இந்த திரைப்படத்துக்காக அனிருத் ஏற்கெனவே அமைத்திருந்த தீம் மியூசிக்கை, ஷாருக்கானுக்கு பரிசாக வழங்கியுள்ளார்.
இந்த நிலையில் இசையமைப்பாளர் சச்சின் - ஜிகர் இந்த திரைப்படத்தின் இசைக்குப் பொறுப்பேற்றுள்ளமை குறிப்பிடத்தக்கது.
