எகிப்து, ஓமன் வெளியுறவு அமைச்சர்கள் இடையில் சந்திப்பு!
எகிப்து மற்றும் ஓமன் வெளியுறவு அமைச்சர்கள் ‘மீண்டும் இராணுவ நடவடிக்கைகள் ஏற்படுவதைத் தடுக்கும்’ முயற்சிகள் குறித்து ஆலோசனை நடத்தியுள்ளனர்.
பிராந்தியத்தில் பதற்றத்தைக் குறைப்பதற்கான முயற்சிகள் குறித்து, ஓமன் வெளியுறவு அமைச்சர் பத்ர் அல்புசைதியுடன் தான் உரையாடியதாக எகிப்தின் வெளியுறவு அமைச்சர் பத்ர் அப்தெலாட்டி தெரிவித்துள்ளார்.
இந்த உரையாடலானது “பதற்றத்தைத் தணித்தல், மீண்டும் இராணுவ நடவடிக்கைகள் ஏற்படுவதைத் தடுத்தல் மற்றும் நெருக்கடிக்கு அரசியல் தீர்வைக் காண்பது” ஆகியவற்றை மையமாகக் கொண்டிருந்ததாக அப்தெலாட்டி கூறினார்.
