உலகக் கோப்பை கால்பந்து: அர்ஜென்டினாவை வீழ்த்தி கோப்பையை வென்றது ஸ்பெயின்
2026 FIFA உலகக் கோப்பை கால்பந்து தொடரின் இறுதிப்போட்டியில், அர்ஜென்டினாவை 1-0 என்ற கோல் கணக்கில் வீழ்த்தி ஸ்பெயின் அணி சாம்பியன் பட்டம் வென்றது.
அமெரிக்காவின் நியூஜெர்சியில் உள்ள மெட்லைஃப் மைதானத்தில் நடைபெற்ற இந்த விறுவிறுப்பான ஆட்டத்தில் ஸ்பெயின் வரலாற்று வெற்றியைப் பதிவு செய்துள்ளது.
இதன் மூலம் ஸ்பெயின் அணி தனது கால்பந்து வரலாற்றில் 2-ஆவது முறையாக உலகக் கோப்பையைக் கைப்பற்றியுள்ளது (முன்னதாக 2010-ல் வென்றிருந்தது).ஆட்டத்தின் முதல் மற்றும் இரண்டாம் பாதியில் இரு அணிகளும் கோல் எதுவும் அடிக்காததால் கூடுதல் நேரம் வழங்கப்பட்டது. அதில் 105-வது நிமிடத்தில் ஸ்பெயின் வீரர் பெர்ரான் டோரஸ் அதிரடியாக கோல் அடித்து அணியை வெற்றிப் பாதைக்கு அழைத்துச் சென்றார்.
நடப்பு சாம்பியனான அர்ஜென்டினா அணி, கோப்பையைத் தக்கவைத்துக் கொள்ள இறுதிவரை போராடியும் ஸ்பெயினின் பலமான தற்காப்பு ஆட்டத்தால் தோல்வியைத் தழுவியது; இது லியோனல் மெஸ்ஸியின் ரசிகர்களுக்கு ஏமாற்றமாக அமைந்தது.
இந்த உலகக் கோப்பைத் தொடரின் ஒட்டுமொத்த சிறந்த வீரருக்கான (Player of the Tournament) விருதை ஸ்பெயினின் நட்சத்திர மிட்ஃபீல்டர் ரோட்ரி வென்றார். மேலும், 19 வயதே ஆன இளம் வீரர் லாமின் யாமால் , யூரோ கோப்பையைத் தொடர்ந்து தனது முதல் உலகக் கோப்பை மகுடத்தையும் சூடி சாதனை படைத்துள்ளார்.
