இந்தியாவில் உண்ணாவிரதம் முடிந்தது..
இந்தியாவில் Neet மருத்துவக் கல்லூரி நுழைவுத் தேர்வுத்தாள் கசிவு விவகாரத்திற்குப் பொறுப்பேற்று மத்திய கல்வி அமைச்சர் தர்மேந்திர பிரதான் பதவி விலக வேண்டும் மற்றும் தேர்வு முறையில் சீர்திருத்தங்கள் கொண்டு வர வேண்டும் போன்ற கோரிக்கைகளை முன்வைத்து, டெல்லி ஜாந்தர் மந்தரில் கடந்த ஜூன் 28 முதல் காலவரையற்ற உண்ணாவிரதப் போராட்டத்தில் ஈடுபட்டிருந்த சமூக ஆர்வலர் சோனம் வாங்சுக் தனது 26 நாட்கள் உண்ணாவிரதப் போராட்டத்தை முடித்துக்கொண்டார்.
மத்திய அரசிடமிருந்து பெறப்பட்ட அதிகாரப்பூர்வ எழுத்துப்பூர்வ உத்திரவாதங்களைத் தொடர்ந்து, குருகிராமில் உள்ள மேதாந்தா மருத்துவமனையில் மத்திய அமைச்சர்கள் ஜே.பி. நட்டா மற்றும் ஜிதேந்திர சிங் ஆகியோர் முன்னிலையில் அவர் பழச்சாறு அருந்தி தனது உண்ணாவிரதத்தை நிறைவு செய்தார்.
போராட்டத்தை முடித்துக்கொண்ட பின் எக்ஸ் (X) தளத்தில் பதிவிட்ட சோனம் வாங்சுக், 'பசி முடிவுக்கு வந்தது.. பொறுப்புக்கூறல் தொடங்குகிறது!' எனக் குறிப்பிட்டு, அமைதிப் போராட்டக்காரர்களின் குரலுக்குச் செவிசாய்த்த அரசுக்குத் தனது நன்றியைத் தெரிவித்துள்ளார்.
எனினும், கல்வி அமைச்சரின் ராஜினாமாவை வலியுறுத்தி Cockroach Janta Party (CJP) போன்ற மாணவர் அமைப்புகள் தங்களது போராட்டங்களைத் தொடர்ந்து முன்னெடுத்து வருகின்றன.
