ட்ரம்ப்பும்- ஸெலென்ஸிகியும் நடத்திய சந்திப்பு
யுக்ரைன் ஜனாதிபதி வொலோடிமிர் ஸெலென்ஸ்கி, வெள்ளை மாளிகையில் அமெரிக்க ஜனாதிபதி டொனால்ட் ட்ரம்பைச் சந்தித்துப் பேச்சுவார்த்தை நடத்தியுள்ளார்.
இந்தச் சந்திப்பு மிகவும் நல்ல சந்திப்பாக அமைந்ததாக ஸெலென்ஸ்கி தெரிவித்துள்ளார்.
இரண்டு தலைவர்களுக்கும் இடையே முன்னர் சுமுகமாக இல்லாதிருந்த உறவு, அண்மைய மாதங்களில் கணிசமாக மேம்பட்டுள்ளது என்பதை இந்தச் சந்திப்பு வெளிப்படுத்தியுள்ளது.
யுக்ரைனில் பேட்ரியாட் வான் பாதுகாப்பு இடைமறிப்பு ஏவுகணைகளை உற்பத்தி செய்வதற்கான உரிமங்கள் மற்றும் பாதுகாப்பு ஒத்துழைப்பு குறித்து இருவரும் விவாதித்துள்ளனர்.
நான்கு ஆண்டுகளுக்கும் மேலாக நீடித்து வரும் போரை முடிவுக்குக் கொண்டுவருவதற்கான இராஜதந்திர முயற்சிகளை மீண்டும் தீவிரப்படுத்துவது குறித்தும் பேச்சுவார்த்தை நடத்தப்பட்டது.
ஒரு மணி நேரத்திற்கும் மேலாக நீடித்த இந்தச் சந்திப்பு ஊடகங்களுக்கு அனுமதி இல்லாமல் மூடிய கதவுகளுக்குப் பின்னால் நடைபெற்றது.
அதே நாளில் இஸ்ரேலியப் பிரதமர் பெஞ்சமின் நெதன்யாகுவும் வெள்ளை மாளிகைக்கு வருகை தந்திருந்தது குறிப்பிடத்தக்கது.
செனட்டர் லிண்ட்சே கிரஹாமின் இறுதிச் சடங்கில் கலந்துகொள்வதற்காக அமெரிக்கா வருகை தந்துள்ள ஸெலென்ஸ்கி, யுக்ரைன் மக்களின் உயிரைப் பாதுகாக்கவும் அமைதியை அடையவும் அமெரிக்கா வழங்கும் தொடர்ச்சியான ஆதரவுக்கு நன்றி தெரிவித்துள்ளார்.
