சர்வதேச கால்பந்திலிருந்து ஓய்வை அறிவித்த நெய்மர்
பிரேசிலின் நட்சத்திர கால்பந்து வீரர் நெய்மர் ஜூனியர் , சர்வதேச கால்பந்து போட்டிகளில் இருந்து தனது ஓய்வை அதிகாரப்பூர்வமாக அறிவித்துள்ளார்.
2026 ஃபீஃபா (FIFA) உலகக் கோப்பை தொடரின் 'ரவுண்ட் ஆஃப் 16' (Round of 16) சுற்றில், நார்வே அணியிடம் பிரேசில் 1-2 என்ற கோல் கணக்கில் அதிர்ச்சி தோல்வியடைந்து வெளியேறியதைத் தொடர்ந்து அவர் இந்த உருக்கமான முடிவை எடுத்தார்.
உலகக் கோப்பையில் நார்வேக்கு எதிரான நாக்-அவுட் போட்டியில் பிரேசில் தோற்று வெளியேறியது. இந்த ஆட்டத்தில் மாற்று வீரராக களம் புகுந்த நெய்மர், கூடுதல் நேரத்தில் பிரேசில் அணிக்காக பெனால்டி மூலம் ஒரு கோல் அடித்தார்.
இதுவே அவரது கடைசி சர்வதேச கோலாக அமைந்தது. 'பிரேசில் அணியுடனான எனது காலம் முடிந்துவிட்டது. நான் எனது ரத்தத்தையும், உயிரையும் கொடுத்து விளையாடினேன். மஞ்சள் ஜெர்சியில் இனி விளையாட விருப்பமில்லை' என்று கண்ணீருடன் அவர் தெரிவித்தார்.
பிரேசில் கால்பந்தின் ஒரு மகத்தான சகாப்தம் இதன் மூலம் முடிவுக்கு வந்துள்ளது.
