ஜோ பைடனின் புற்றுநோய் தீவிரமடைந்துள்ளது: ஹண்டர் பைடன் தகவல்
அமெரிக்க முன்னாள் அதிபர் ஜோ பைடனுக்கு (83) புரோஸ்டேட் புற்றுநோய் (Prostate Cancer) மேலும் பரவி, கடுமையான வலியை ஏற்படுத்தி வருவதாக அவரது மகன் ஹண்டர் பைடன் தெரிவித்துள்ளார்.
ஜோ பைடனுக்குப் பரவியுள்ள புற்றுநோய் அவரது எலும்புகள் மற்றும் உடலின் பிற பகுதிகளுக்கும் பரவியுள்ளது (Metastasized). இது மிகவும் வேதனையாகவும், அவரது உடல் இயக்கத்தை முடக்கும் வகையிலும் உள்ளது என ஹண்டர் பைடன் நெகிழ்ச்சியுடன் குறிப்பிட்டுள்ளார்.
கடுமையான வலி மற்றும் உடல்நலக் குறைபாடு இருந்தபோதிலும், ஜோ பைடன் தொடர்ந்து மக்கள் பிரச்சினைகளுக்காகப் பேசி வருகிறார்.
தன் தந்தை படும் வேதனையைப் பார்ப்பது மிகுந்த மனவருத்தத்தை அளிப்பதாகவும், வலியைப் பொறுத்துக் கொள்ளாமல் அவர் அதை வெளியே சொல்ல வேண்டும் எனத் தான் விரும்புவதாகவும் ஹண்டர் தெரிவித்துள்ளார்.
ஜோ பைடன் வெள்ளை மாளிகையிலிருந்து விலகிய சில மாதங்களிலேயே, மே 2025-இல் தனக்கு நான்காம் கட்ட புரோஸ்டேட் புற்றுநோய் இருப்பதை வெளிப்படுத்தினார். இடைக்காலத் தேர்தலுக்குப் பிறகு அவர் "Promise Me, America" என்ற சுயசரிதை நூலையும் வெளியிடத் திட்டமிட்டுள்ளார்.
