டிரம்பின் அழுத்தத்திற்கு மத்தியில் கோல்ட்மேன் சாக்ஸ் உடனான தொடர்பை முற்றிலும் துண்டிக்குமாறு ஜனநாயகக் கட்சி எம்பி கோரிக்கை
அமெரிக்க மக்களவையின் மேற்பார்வைக் குழுவின் (House Oversight Committee) முன்னணி ஜனநாயகக் கட்சி எம்பியான இராபர்ட் கார்சியா (Robert Garcia), கோல்ட்மேன் சாக்ஸ் (Goldman Sachs) வங்கியின் முன்னாள் தலைமை வழக்கறிஞர் காத்தி ரூம்லருடன் (Kathy Ruemmler) உள்ள அனைத்து தொடர்புகளையும் உடனடியாகத் துண்டிக்குமாறு அந்நிறுவனத்தைக் கேட்டுக்கொண்டுள்ளார்.
குற்றவாளியாக அறிவிக்கப்பட்ட ஜெப்ரி எப்ஸ்டீனுடன் (Jeffrey Epstein) தனக்கிருந்த நெருங்கிய தொடர்புகள் குறித்து காத்தி ரூம்லர் நாடாளுமன்றக் குழுவிடம் ஜூலை மாதம் 7 மணி நேரத்திற்கும் மேலாக வாக்குமூலம் அளித்தார்.
ரூம்லரின் வாக்குமூலம் அதிர்ச்சியளிக்கும் வகையில் இருந்ததாகவும், அவர் தன் செயல்களுக்குப் பொறுப்பேற்க மறுப்பதாகவும் கூறிய கார்சியா, கோல்ட்மேன் சாக்ஸ் முதன்மை செயல் அதிகாரி டேவிட் சாலமன் (David Solomon)-க்கு கடிதம் எழுதியுள்ளார்.
எப்ஸ்டீனால் பாதிக்கப்பட்ட முக்கிய பெண்ணான விர்ஜீனியா ராபர்ட்ஸ் ஜுஃப்ரெ (Virginia Roberts Giuffre) அளித்த குற்றச்சாட்டுகள் குறித்த கேள்விக்கு, அவற்றுக்கு "நம்பகத்தன்மை இல்லை" என்று ரூம்லர் கூறியது கடுமையான கொந்தளிப்பை ஏற்படுத்தியது.
பிப்ரவரி மாதமே தனது பதவியை ராஜினாமா செய்வதாக அறிவித்த ரூம்லர், தற்போதும் ஆலோசகர் (advisory role) பொறுப்பில் நீடித்து வருகிறார்.
பாலியல் குற்றவாளிகளுடன் தொடர்பிலிருந்தவர்கள் நிதி நிறுவனங்களின் உயர்பதவிகளில் தொடரக் கூடாது என்றும், அடுத்த தலைமை வழக்கறிஞருக்கு எப்ஸ்டீன் அல்லது கிஸ்லைன் மேக்ஸ்வெல்லுடன் எந்தத் தொடர்பும் இருக்கக்கூடாது என வங்கி உறுதியளிக்க வேண்டும் என்றும் கார்சியா வலியுறுத்தியுள்ளார்.
