டேட்டிங் செயலியில் ஆசைகாட்டி ரூ.6 கோடி சுருட்டிய பெண்
டேட்டிங் செயலிகள் மூலம் ஆண்களுடன் நட்பு ஏற்படுத்திக் கொள்ளும் பல்லவி சிங், அவர்களுக்குத் தனது அந்தரங்க புகைப்படங்கள் மற்றும் வீடியோக்களை அனுப்புவார். பின்னர் நேரில் சந்தித்து அந்தரங்கமாகப் படங்கள் எடுத்து, அவற்றைக் காட்டி மிரட்டி பணம் பறித்து வந்துள்ளார்.
வழக்கறிஞர் ஒருவர் அலகாபாத் உயர் நீதிமன்றத்தில் தொடுத்த வழக்கின் அடிப்படையில் நடத்தப்பட்ட விசாரணையில், இவர் இதுவரை ரூ.6 கோடிக்கும் மேல் சுருட்டியிருப்பது அம்பலமானது.
அலகாபாத் உயர் நீதிமன்ற உத்தரவின் பேரில் காவல்துறையினர் நடத்திய தீவிர விசாரணையில், பல்லவி சிங் பொய் புகார்களைக் கொடுத்து ஏற்கனவே 5 ஆண்களைச் சிறையில் தள்ளிய அதிர்ச்சி தகவலும் தெரியவந்துள்ளது.
தற்போது தலைமறைவாக உள்ள பல்லவி சிங் ராஜ்புத், அவரது 2 பெண் உதவியாளர்கள் மற்றும் ஒரு ஆண் உதவியாளர் ஆகியோரை காவல்துறையினர் தீவிரமாகத் தேடி வருகின்றனர்.
