கனடாவின் மேப்பிள் ரிட்ஜ் பகுதியில் 3 வயது சிறுமியைத் தாக்கிய கரடி
கனடாவின் பிரிட்டிஷ் கொலம்பியா மாநிலத்தில் உள்ள மேப்பிள் ரிட்ஜ் (Maple Ridge) பகுதியில், வீட்டின் பின்புறத்தில் விளையாடிக் கொண்டிருந்த 3 வயது சிறுமியை ஒரு கரடி தாக்கியுள்ளது.அங்கிருந்த பெற்றோர் உடனே செயல்பட்டு கரடியை விரட்டியடித்தனர்.
சிறுமி உடனடியாக ஹெலிகாப்டர் மூலம் குழந்தைகள் மருத்துவமனைக்குக் கொண்டு செல்லப்பட்டு சிகிச்சைக்காக அனுமதிக்கப்பட்டார். அதிர்ஷ்டவசமாக, சிறுமியின் காயங்கள் உயிருக்கு ஆபத்தானவை அல்ல என அறிவிக்கப்பட்டுள்ளது.
வனவிலங்கு பாதுகாப்பு அதிகாரிகள் மற்றும் காவல்துறையினர் அப்பகுதியைப் பாதுகாப்பிற்குள் கொண்டுவந்து, சிறுமியைத் தாக்கிய கரடியைத் தீவிரமாகத் தேடி வருகின்றனர்.கரடி தேடப்பட்டு வருவதால், அப்பகுதியில் உள்ள மக்கள் பாதுகாப்பாக வீட்டிற்குள்ளேயே இருக்குமாறு வனத்துறை அதிகாரிகள் அறிவுறுத்தியுள்ளனர்.
