கட்டுப்பாடற்ற காட்டுத்தீ: ஆயிரக்கணக்கான மக்கள் வெளியேற்றம்;
கனடாவின் பிரிட்டிஷ் கொலம்பியா (B.C.) மாகாணத்தில் 100-க்கும் மேற்பட்ட இடங்களில் காட்டுத்தீ பரவி வருவதுடன், அதில் பாதிக்கும் மேற்பட்ட தீக் கட்டுப்பாடில்லாமல் எரிந்து வருகிறது. குறிப்பாக சம்மர்லேண்ட் (Summerland) பகுதியில் பரவிய 'பால்ட் ரேஞ்ச்' (Bald Range) காட்டுத்தீ காரணமாக 80 வயது பெண்மணி ஒருவர் உயிரிழந்துள்ளார், மேலும் 20,000-க்கும் மேற்பட்ட மக்கள் பாதுகாப்பான இடங்களுக்கு வெளியேற்றப்பட்டுள்ளனர்.
இச்சம்பவம் குறித்து அரச கனடிய மவுண்டட் காவல்துறை (RCMP) தீவிர விசாரணை மேற்கொண்டு வருகிறது.
காட்டுத்தீயின் தீவிரத்தைக் கருத்தில் கொண்டு பிரிட்டிஷ் கொலம்பியா மாகாணம் முழுவதற்கும் அவசரநிலை பிரகடனப்படுத்தப்பட்டுள்ளது.
நூற்றுக்கணக்கான வீடுகள் மற்றும் உடைமைகள் தீயில் எரிந்து சாம்பலாகியுள்ளதாக மாகாண முதல்வர் டேவிட் ஈபி (David Eby) தெரிவித்துள்ளார்.
காட்டுத்தீ ஏற்பட்டதற்கான காரணங்களை RCMP ஆராய்ந்து வருகிறது. சந்தேகத்திற்கிடமான நடவடிக்கைகள் குறித்து தகவல்கள் வெளியாகியுள்ள நிலையில், சமூக வலைதளங்களில் பரவும் வதந்திகளை நம்ப வேண்டாம் என காவல்துறை கேட்டுக்கொண்டுள்ளது.
வெளியேற்ற உத்தரவு பிறப்பிக்கப்பட்ட ஆபத்தான பகுதிகளுக்குள் நுழைய முயன்ற நபர்கள் மீது வழக்குப்பதிவு செய்யப்பட்டு அபராதம் விதிக்கப்பட்டுள்ளது. மேலும், காட்டுத்தீ அபாயம் காரணமாக மாகாணத்தின் சில வனப்பகுதிகளில் ஆஃப்-ரோடிங் (Off-roading) வாகனங்களைப் பயன்படுத்த தற்காலிகத் தடை விதிக்கப்பட்டுள்ளது.
காட்டுத்தீயைக் கட்டுப்படுத்த ஆல்பர்ட்டா (Alberta) மாகாணத்தில் இருந்து 200-க்கும் மேற்பட்ட தீயணைப்பு வீரர்கள் மற்றும் ஹெலிகாப்டர்கள் பிரிட்டிஷ் கொலம்பியாவுக்கு அனுப்பி வைக்கப்பட்டுள்ளனர்.
காட்டுத்தீயினால் ஏற்படும் தீவிர வானிலை மாற்றங்கள் மற்றும் புகையின் தாக்கத்தை ஆய்வு செய்ய நாசா (NASA) ஆராய்ச்சி விமானம் ஒன்றை இப்பகுதியில் பறக்கவிட்டுத் தரவுகளைச் சேகரித்து வருகிறது.
