கொலம்பியா நிலநடுக்கம் – 132-க்கும் மேற்பட்டோர் உயிரிழப்பு
தென் அமெரிக்க நாடான கொலம்பியாவில் ஏற்பட்ட சக்திவாய்ந்த நிலநடுக்கத்தில் சிக்கி குறைந்தது 132 பேர் உயிரிழந்துள்ளனர் என்றும், நூற்றுக்கணக்கானோர் படுகாயமடைந்துள்ளனர் என்றும் தகவல்கள் தெரிவிக்கின்றன.
ரிக்டர் அளவில் 7.4 ஆகப் பதிவான இந்த நிலநடுக்கம், நாட்டின் மேற்குப் பகுதியில் உள்ள சொகோ (Chocó) மாகாணத்தில் 103 கி.மீ ஆழத்தில் ஏற்பட்டது.
பெரேரா (Pereira), காலி (Cali), மேனிசால்ஸ் (Manizales) உள்ளிட்ட பல்வேறு நகரங்களில் கட்டடங்கள் இடிந்து விழுந்து பெரும் சேதம் அடைந்துள்ளன. இதில் பெரேரா நகரில் மட்டும் 60-க்கும் மேற்பட்டோர் உயிரிழந்துள்ளனர்.
80-க்கும் மேற்பட்ட கட்டடங்கள் முற்றிலுமாக இடிந்து தரைமட்டமாகியுள்ளன. இடிபாடுகளுக்குள் பலர் சிக்கியிருக்கலாம் என்பதால் பலி எண்ணிக்கை மேலும் உயரக்கூடும் என அஞ்சப்படுகிறது.
நாட்டின் புதிய அதிபர் அபிலார்டோ டி லா எஸ்ப்ரிலா (Abelardo de la Espriella) தேசிய அவசரநிலையை அறிவித்து, மீட்பு நடவடிக்கைகளை தீவிரப்படுத்த உத்தரவிட்டுள்ளார்.
அமெரிக்கா, ஐரோப்பிய ஒன்றியம் மற்றும் எல் சால்வடார் உள்ளிட்ட நாடுகள் கொலம்பியாவிற்குத் தேவையான உதவிகளையும் மீட்புக் குழுக்களையும் வழங்கி உதவ முன்வந்துள்ளன.
