அமெரிக்க வர்த்தக அதிகாரிகள் புதிய உடன்படிக்கையை டிரம்பிடம் முன்வைக்கத் திட்டம்
அமெரிக்க அதிபர் டொனால்ட் டிரம்பின் புதிய வரி விதிப்பு அவகாசம் முடிவடைவதற்கு முன், இரு நாடுகளுக்கும் இடையே புதிய வர்த்தக ஒப்பந்தத்திற்கான பாதையை முன்வைக்கக் கனடா மற்றும் அமெரிக்க வர்த்தக அதிகாரிகள் தீவிரமாகத் திட்டமிட்டு வருவதாகச் செய்திகள் தெரிவிக்கின்றன.
ஆகஸ்ட் 19 அன்று கனடாவில் இருந்து ஏற்றுமதி செய்யப்படும் மதுபானம், ஹாக்கி மட்டைகள், சிமெண்ட் உள்ளிட்ட சுமார் 5% பொருட்களுக்கு 50% புதிய வரியை விதிக்க அமெரிக்கா திட்டமிட்டுள்ளது. அதற்கு முன்னதாக, திங்கள்கிழமையன்றே இருதரப்பு ஒப்பந்த திட்டத்தை அதிபர் டிரம்பிடம் சமர்ப்பிக்க அதிகாரிகள் இலக்கு வைத்துள்ளனர். கனடாவின் வர்த்தக அமைச்சர் டொமினிக் லெப்லாங்க் (Dominic LeBlanc) மற்றும் அமெரிக்க வர்த்தகப் பிரதிநிதி ஜேமிசன் க்ரீர் (Jamieson Greer) ஆகியோர் கடந்த மூன்று வாரங்களில் மூன்றாவது முறையாக வாஷிங்டனில் நேரில் சந்தித்துப் பேச்சுவார்த்தை நடத்துகின்றனர்.
புதிய வரிக்கெடுவைத் தவிர்ப்பதுடன், ஏற்கனவே கனடிய எஃகு, அலுமினியம், மரத்தொழில் மற்றும் வாகனத் துறை மீது விதிக்கப்பட்டுள்ள துறை சார்ந்த வரிகளுக்கு (sectoral tariffs) விலக்கு பெறுவது. கடந்த ஜூலை மாதம் அமெரிக்காவால் புதுப்பிக்கப்படாமல் போன CUSMA (கனடா-அமெரிக்கா-மெக்சிகோ) வர்த்தக ஒப்பந்தத்தை நீட்டிப்பது.
அமெரிக்க வர்த்தகக் கொள்கைக்குப் பதிலடியாகக் கனடா தனது மாநிலக் கடைகளிலிருந்து அமெரிக்க மதுபானங்களை அகற்றியது, பால் மற்றும் வாகனத் துறையில் அமெரிக்க நிறுவனங்களுக்கு எதிராகக் கெடுபிடிகள் விதிப்பது போன்றவற்றை அமெரிக்கா சுட்டிக்காட்டியுள்ளது. (மதுபானத் தடையால் 2025-இல் அமெரிக்காவிற்கு $510 மில்லியன் டாலர் ஏற்றுமதி இழப்பு ஏற்பட்டுள்ளது).
பிரதமராகப் பொறுப்பேற்று ஓராண்டுக்கும் மேலாகியும் அதிபர் டிரம்புடன் உறுதியான வர்த்தக ஒப்பந்தத்தைச் செய்யத் தவறிவிட்டார் எனப் பிரதமர் மார்க் காரி (Mark Carney) மீது கனடாவின் எதிர்க்கட்சியான கன்சர்வேடிவ் கட்சி கடும் விமர்சனங்களை முன்வைத்து வருகிறது.
